طبعا كلكو دلوقت بتتساءلوا ايه هو نظام منتسورى ده
الكلام فيه يطول جدا و هايتفهم جدا ان شاء الله مع التدوينات القادمة المرفق معاها صور و امثلة عليه لكن فى التدوينة دى هاحاول اشرح لكم النظام ده بطريقة مبسطة حتى تدركوا الأنشطة التي يقدمها مركز اقرا التعليمي دون تعجب
قبل اى شىء عايزاكم تغمضوا عينكم و تتخيلوا معايا كده ... انكم صحيتوا من النوم فجأة لقيتو نفسكم عايشين مع كائنات عملاقة اكتافكم يا دوب واصلة لركبتهم !!!
عشان تمشى معاهم لازم تجرى عشان تلحقهم ... عشان تطلع السلم بتاعهم – اللى الدرجة الواحدة منه طول ركبتك - بتبذل مجهود جبار... عشان تقعد زيهم محتاج تتسلق الكرسى اللى ف مستوى كتفك بصعوبة ... مش عارف تستخدم الحوض بتاعهم لانه طويل عليك ... مش عارف تستخدم ادوات الطعام بتاعتهم لانها تقيلة عليك ... كل ما تحاول تعمل حاجة لنفسك يقومو يتدخلوا عشان يعملوها هم اسرع منك... لما تكون مندمج فى حاجة ممتعة بالنسبة لك تلاقى حد بيشيلك كلك على بعضك كده يحطك فى مكان تانى ... لما تمسك حاجة جذبت انتباهك تلاقى حد شدها و خباها منك و قالك Don't Touch
كل ده ليه ؟ عشان هم ببساطة اكبر و اقوى منك .. مش عارف تلاقى تفسير تانى لانك ببساطة مش قادر تسألهم هم بيعملوا كده ليه لانهم مش فاهمين لغتك تخيلت ؟ حسيت انك موجود فى مكان غلط مش مناسب ليك ؟ حسيت بالألم النفسى و القهر اللى بيعاملوك بيه ؟
فتح عينك دلوقت على الحقيقة المرة .. ده اللى بيحصل مع اطفالنا للاسف !!!
اقولك على حاجة مؤلمة اكتر ؟
عمرك فكرت ليه لعبة بيت العرائس هى اللعبة المفضلة للاطفال ؟
لانها ببساطة الحياة اللى هم بيتمنوها لنفسهم ، نفسهم يكون ليهم بيت صغير مقاسهم ، كرسى صغير يقعدوا عليه بسهولة، سرير صغير يطلعوا عليه و ينزلو من عليه بنفسهم ، يلبسوا هدومهم و ينسقوا الوانها على مزاجهم ، يسرحوا شعرهم بنفسهم ، .....
احنا بنديلهم الحياة اللى هم عايزنها فى صورة لعبة !! يا لحياتهم البائسة !
طيب عمرك فكرت اشمعنى المطبخ بيمثل افضل مكان للتسلل و اللعب بالنسبة للطفل ؟
- الطفل اللى بيمسك قطاعات الكيك بأشكالها المختلفة و يتحسس حوافها بإيده هو فى الحقيقة بيمارس نوع من التمارين اسمها Stereognostic exercises تمارين بتطور الادراك عن طريق حاسة اللمس عنده
- الطفل اللى بيلعب بالحلل و بيحاول يوفق الغطا على الحلة المناسبة لمقاسه او بيحاول يرتب الحلل جوة بعض حسب مقاسها هو فى الحقيقة بيمارس نوع من التمارين الحسية sensory exercises اللى بتنمى قدرته على ادراك أبعاد الاجسام
- الطفل اللى بيكتشف ان كيس الرز الكبير تقيل بالنسبة له مقارنة بكيس الملح الصغير هو فى الحقيقة عمل نوع من التمارين يسمى Baric Exercises بتنمى قدرته على ادراك الاوزان
- الطفل اللى بالصدفة بيمسك قطعة التلج ف مرة ، و بيمسك الكوباية الدافية و هى طالعة من غسالة الاطباق ف مرة . هو فى الحقيقة عمل نوع من التمارين اسمه Thermic exercises اللى بتنمى احساسه باختلاف درجات الحرارة
تخيل ان كل يوم بتمنع فيه الطفل من الحاجة دى و هو يحارب عشان يعملها مرة تانية انك فى الحقيقة بتمنعه – بنوايا حسنة اكيد – من انه يعلم نفسه و يطور حواسه بنفسه !
- الطفل اللى بيمسك قطاعات الكيك بأشكالها المختلفة و يتحسس حوافها بإيده هو فى الحقيقة بيمارس نوع من التمارين اسمها Stereognostic exercises تمارين بتطور الادراك عن طريق حاسة اللمس عنده
- الطفل اللى بيلعب بالحلل و بيحاول يوفق الغطا على الحلة المناسبة لمقاسه او بيحاول يرتب الحلل جوة بعض حسب مقاسها هو فى الحقيقة بيمارس نوع من التمارين الحسية sensory exercises اللى بتنمى قدرته على ادراك أبعاد الاجسام
- الطفل اللى بيكتشف ان كيس الرز الكبير تقيل بالنسبة له مقارنة بكيس الملح الصغير هو فى الحقيقة عمل نوع من التمارين يسمى Baric Exercises بتنمى قدرته على ادراك الاوزان
- الطفل اللى بالصدفة بيمسك قطعة التلج ف مرة ، و بيمسك الكوباية الدافية و هى طالعة من غسالة الاطباق ف مرة . هو فى الحقيقة عمل نوع من التمارين اسمه Thermic exercises اللى بتنمى احساسه باختلاف درجات الحرارة
تخيل ان كل يوم بتمنع فيه الطفل من الحاجة دى و هو يحارب عشان يعملها مرة تانية انك فى الحقيقة بتمنعه – بنوايا حسنة اكيد – من انه يعلم نفسه و يطور حواسه بنفسه !
دلوقت نقدر نستنتج
ان الاطفال مفيش حاجة اكثر متعة بالنسبة لهم الا انهم يتعلمو ازاى يعملوا اى حاجة بنفسهم
... ده اللى هم بيحاولوا يعملوه طول الوقت .. و اللى احنا بنمنعهم منه طول الوقت !
د/ ماريا منتسورى
– اللى النظام اتسمى نسبة ليها - قدرت تكتشف
المشكلة دى و قدرت تبتكر نظام يحلها عن طريق ملاحظتها الطويلة و تحليلها لسلوكيات الاطفال
و عن طريق تجارب كتير عملتها على الاطفال و اثبتت نجاح نظريتها فى التعليم بجدارة على
مدار 100 عام ..
و الدليل ان نظام منتسورى التعليمى لحد دلوقت من
انجح الانظمة التعليمية المطبقة فى الغرب و اللى بدأ يتم تطبيقه مؤخرا فى الدول العربية
النظام ده فكرته
بتتمحور انه يتعامل مع الطفل كجسد و كروح ،
كجسد بإنه ينمى قدرات الطفل الفسيولوجية و الحركية ، و كروح بإنه ينمى ادراكه و حواسه
و قدرته على التواصل مع البيئة و الناس من حوله ،
النظام ده بيعتمد
انه يوفر بيئة مناسبة و ادوات تعليمية مناسبة لحجم الطفل و لعقل الطفل فى نفس الوقت
بيئة تشبع رغباته
فى الاكتشاف ، اكتشاف نفسه و حواسه و تطويرها ، و اكتشاف البيئة و الحياة من حواليه
، بيئة بتحترم وجوده و عقله و حقوقه كإنسان ، و بتديله فرصة انه يتكيف بهدوء و سلام
و حرية مع العالم الجديد اللى هو مقبل عليه
ليست هناك تعليقات:
إرسال تعليق